Kazetaritzan lizentziatua, Isabel González Ortiz de Urbinaren harremana argazkigintzarekin 2001ean hasi zen, Gasteizko Arte eta Lanbide Eskolan. Irrati eta telebistako komunikazioan lanean denbora bat eman ondoren, 2006an Bartzelonara joatea erabaki zuen GrisArt Argazkigintzako Nazioarteko Eskolan bere prestakuntza zabaltzeko.
Orduz geroztik ez da gelditu, eta azken 15 urteetan argazkilaritzan aritu da burubelari irakasle gisa eta era guztietako enkarguak egiten El País Semanal, Revista La Fotografía edo Mundo Nómada argitalpenetarako, besteak beste. “Argazkigintzak nire nortasuna garatzen eta neure burua deskubritzen lagundu dit”, dio.
Gainera, Isabelek ‘Huesos de cristal’, ‘Yak42’ edo ‘Mudando la piel’ erakusketak aurkezteko aukera izan du. Azken erakusketa honetan, naturaren bidez, “bizi-aldaketak egiteko, hazteko eta gauzak atzean uzteko beldurraz” hitz egiten du.
Dioenez, “kamerarekin bidaiak egiten eta jendea ezagutzen imajinatzen nuen neure burua, baina denborarekin konturatu naiz ez dudala bidaiatu behar estimulatuta sentitzeko. Begiratzea abentura bat da dagoeneko“.