“Frantzia bezalako herrialdeetan, gurean ez bezala, eskakizun sozial eta politiko bat dago programazioetan tokiko artistak lehenesteko”

Juan Sebastián Vázquez pianista, konpositore eta irakaslea da. 1992an Gasteizen jaioa, Juan Sebastian Trio taldeko burua da, eta “Lluvia de Mayo” eta “Tribute” lanen egilea. Juanek, gaur inoiz baino gehiago, eszenatoki batera igotzeko unea estimatzen du, gehien miresten dituen artistengan inspiratutako doinuak sortzen ditu, eta espiritu kritikoz ikusten du lanbide bat, berea, batere sinplea ez dena.