“Arterako bizi gara baina ez artetik”

Nerea Lekuona artistaren sorkuntza prozesua ezagutu eta Montehermoson dagoen bere "Desataduras" erakusketa bisitatu dugu

Nerea Lekuonak beti izan zuen sormen lanekiko interesa. Amarika Aretoan sartu eta beste artista batzuen erakusketak ikusten zituen bakoitzean, zera pentsatzen zuen: “Nik honetan jardun nahi dut, nik gauza hauek egin nahi ditut”. Horretarako, zinean, bideoan, diseinuan eta argazkigintzan trebatu zen. Gainera, Esther Ferrer eta Isidoro Valcárcel Medina artistekin ikastaroak egin zituen.

Bere lanekin “jendeak klik bat” egitea bilatzen du, “eguneroko gauzak baino haratago pentsatzea. Beste pertsona baten larruan jartzeko gai izatea. Enpatia bilatzen dut “.

Gaur egun bere ‘Desataduras’ erakusketa Montehemoson dago ikusgai, baina “artistak beste era bateko enkarguez eta beste lan batzuez bizi gara. Arterako bizi gara baina ez artetik”.